Почнува „ракометната еуфорија“ - Светското ракометно првенство 2019
Објавено во: Мои пари 11 Јануари, 2019
Денес почнува Светското ракометно првенство коешто оваа година се одржува во „најракометните“ земји во светот - Германија и Данска.Повторно нѐ фаќа еуфорија, се подгреваат очекувањата, се предвидува, се прават комбинаторики... Влегуваме во „ракометна треска“ која барем за момент ни го одвлекува вниманието од секојдневието, и нѐ прави горди што нашата репрезентација се бори за пласман рамо до рамо со најдобрите екипи.
Со години наназад, нашата машка ракометна репрезентација е главен „виновник“ за гордоста што ја чувствуваме со секој гол, секоја победа на врвните ракометни настани. Тимот е составен од професионалци кои играат за најдобрите европски екипи, идоли на многу млади во земјава, пример за истрајност и спортски дух... На Мундијалот во Германија и Данска нашите момци ќе бидат сместени во групата Б, каде што задачата за пласман во наредната рунда на светскиот ракометен собир воопшто нема да биде лесна, затоа што ќе имаат квалитетни ривали.
Раул Гонзалез на Светското првенство ќе води подмладен тим, кој ќе се бори со: европскиот првак Шпанија, секогаш незгодната Хрватска, редовниот ривал Исланд, како и азиските селекции Јапонија и Бахреин, за кои се вели дека се „меч со две острици“.
Со вакви опасни противници, бодрењето на нашите ракометари од трибините во Минхен ќе биде голем поттик за победа.
Македонски Телеком и оваа година, како партнер на ракометната федерација испраќа група навивачи во Германија, кои беа избрани по случаен избор, откако точно одговорија на неколку прашања за ракомет на Фејсбук страницата на Телеком. Среќните фанови ќе го бодрат нашиот тим на натпреварите со репрезентациите на Јапонија, Бахреин и Хрватска.
Нам пред малите екрани ни останува да навиваме како да сме навистина во Минхен. Доаѓа она време од годината кога сите се сплотуваме, почнува ракометната треска, Светското првенство 2019. Да навиваме за Македонија!
Можеби ќе ве интересира
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
