ПОЛИТИЧКА РОМАНТИКА: Заев и Могерини ем ќе летаат, ем ќе шетаат
Објавено во: Македонија 13 Септември, 2018
Премиерот Зоран Заев по говорот во Европскиот парламент во Стразбур, во Скопје се враќа заедно со високата претставничка за надворешна политика на ЕУ, Федерика Могерини, со ист лет.
Заев на Фејсбук профилот објави фотографија од него и Могерини во авион за Скопје и порача дека високата претставничка на Унијата уште еднаш доаѓа во земјава за да даде поддршка за нејзината европска иднина.
– После моето обраќање во Европскиот парламент во Стразбур, заедно со мадам Федерика Могерини доаѓаме во Македонија. Нашата пријателка Федерика уште еднаш ќе даде поддршка на сите граѓани за нашиот заеднички пат кон европското семејство, објави премиерот.
Предвидено е тие заедно да прошетаат во Старата скопска чаршија со предвидени се кратки изјави за медиумите пред ресторан „Наргиле“.