Помилување од претседателот за „27 април“ законски невозможно

Добивај вести на Viber

 Нема законска можност претседателот Ѓорге Иванов да ги помилува осудените за „27 април“, кои до него доставиле барања, велат правните експерти. Дополнително, според нив, таквата опција е невозможна и поради изборниот период.

Поранешниот претседател на Врховниот суд, Дане Илиев и министерката за правда, Рената Дескоска се согласни дека правно е невозможно претседателот Иванов да ги помилува осудените за „27 април“, како што тоа го направи во 2016 година за вкупно 56 лица кои беа опфатени со истрагите на Специјалното јавно обвинителство.

Илиев во изјава за МИА вели дека законска можност за помилување сега нема, бидејќи тоа е процедура, која претрпела законски измени, а и времето на изборите тоа не му го дозволува.

-Но, кај нас знаете, законот многу не се почитува, може и тоа да биде. Инаку, правно мислам дека нема можности за таква работа, бидејќи тоа би било злоупотреба на правото и на неговите овластување како претседател, изјави Илиев.

Појаснува дека процедурата за помилување би требало да оди преку Министерството за правда, поединечно за секое барање, за разлика од амнестијата која се носи со закон од Парламентот.

Извор: МИА