Повеќе од 40 земји ќе потпишат договор за забрана на нуклеарно оружје

Добивај вести на Viber

Над 40 држави ќе го потпишат Глобалниот договор за забрана на нуклеарното оружје на 20 септември - уште во првиот ден кога документот биде подготвен за потпишување, најави директорот на Одделот за конвенциите кон Канцеларијата за правни прашања на ОН Сантијаго Вилалпандо.

Ова ќе се случи на специјална церемонија во Њујорк во присуство на генералниот секретар на ОН Антониу Гутериш, како и на претседателите на најмалку осум од страниtе кои ќе го потпишат договорот, вклучувајќи ги Бразил, Чиле, Мадагаскар и Јужна Африка.

Во текот на следните неколку недели десетици на број држави се очекува да потпишаат и ратификуваат околу 20 меѓународни договорот - од Конвенцијата за правата на лицата со инвалидност и анти-нуклеарниот договор до Меѓународниот договор за маслиновото масло и трпезните маслинки.

Досега, Русија не испрати известување до ООН за пристапување кон кој било од договорите, стана јасно од зборовите на Вилалпандо.

Глобалната конвенција за нуклеарно оружје ќе стапи во сила 90 дена по нејзиното потпишување и ратификација од 50 земји. Текстот на документот беше усвоен во јули оваа година, по неколку недели разговори, но нуклеарните сили, вклучувајќи ја и Русија, не учествуваа.

Веднаш по усвојувањето на договорот, Велика Британија, САД и Франција издадоа заедничка изјава во која се вели дека никогаш нема да ја поддржат. Тие го аргументираат одбивањето со образложение дека "иницијативата очигледно не ја зема предвид реалноста во сферата на меѓународната безбедност" и "не нуди никаква одлука на смртната опасност која ја носи севернокорејската нуклеарна програма".

Подоцна, руското Министерство за надворешни работи, исто така, рече дека Москва нема да го ратификува договорот, бидејќи тоа е во спротивност со националните интереси на земјата. Според текстот на договорот, сите страни се обврзуваат "под никакви околности" да "развиваат, тестираат, произведуваат или складираат нуклеарно оружје или да го користат или се закануваат да го сторат тоа.