Познато во која земја од ЕУ дрогата сее најмногу смрт
Објавено во: Свет 17 Јули, 2019
Во 2018 година, Шкотска забележа најголем процент на починати од дрога во Европската унија, а во таа земја, хероин, метадон и кокаин убија речиси трипати повеќе луѓе отколку во остатокот од Велика Британија.
Извештајот на одделот за статистика на шкотската влада покажа дека во 2018 година, во таа земја, рекордни 1.187 луѓе починале од ефектите од употребата на дрога, што претставува зголемување од 27 отсто во однос на минатата година.
Односот на починатите е 213 на милион жители. Во ЕУ овој број е 23, а во Обединетото Кралство 74 починати од предозираност и мешање на дроги на милион жители.
Сакет Пријадариши, директор на одделот за лекување зависности, во јуни пред парламентарната комисија им рече дека шкотските зависници од дрога обично користат депресанти, често со алкохол, "предизвикувајќи предиспозиција за предозирање".
Употребата на хероин и морфин е забележана во 45 проценти од несреќните случаи во 2018 година. Процентот за метадон е 47 проценти, а за кокаин 23 проценти. Повеќето смртни случаи се случиле кога неколку лекови биле измешани.