Пратеничката Ѓорѓиева вели дека на „крвавиот четврток“ на смртта и погледнале во очи
Објавено во: Македонија 15 Мај, 2017
Пратеничката од коалицијата на СДСМ, Милева Ѓорѓиева, денеска беше на распит во Јавното oбвинителство каде даде исказ за „крвавиот четврток“.
Таа изјави дека на 27 април пратениците од мнозинството и погледнале на смртта во очи, поради опасноста од линч.
„Демонстрантите многу бргу дојдоа горе и ни се заканија со зборовите: „Готови сте, сите ќе ве убиеме“ - вели Ѓорѓиева.
Таа додаде дека во прес центарот беа направени импровизирани скали од три бироа, со помош на кои таа и нејзините колешки успеале да се симнат од галеријата во Собранието.
Минатата недела повеќе пратеници од СДСМ, но и од ДУИ дадоа исказ во обвинителството за настаните од 27 април.