Пратеникот Бране Петрушевски разочаран од некултурата во Собранието
Објавено во: Македонија 21 Август, 2020
Пратеникот од ВМРО - ДПМНЕ, Бране Петрушевски денеска на конститутивната седница изјави уште во првиот час од почетокот се разочарал од некултурата во Собранието, кое како што рече за него е светост.
Наведе дека се довикува од место, а пратениците користат и навреди.
Вели дека таквото однесување е непочитување кон граѓаните кои им дале мандат да ги застапуваат во Законодавниот дом.
На ова му врати неговиот сограѓанин, пратеник од СДСМ, Мартин Костовски кој му рече дека мора да научат да бидат конструктивни.
Денеска треба да се избере нов собраниски спикер.
Предложен е Талат Џафери, но ВМРО-ДПМНЕ веќе се изјасни дека нема да го поддржи.