Претставувајќи се како колекционер украл Ферари
Објавено во: Свет 16 Мај, 2019
Се претставил дека е колекционер на автомобили, побарал да направи пробно возење со Ферари вредно 2 милиони евра и не се вратил во салонот.
Полицијата од Дизелдорф трага по лажниот колекционер, кој седнал на пробно возење во Ферари 288 ГТО од 1985 година и исчезнал. Човекот до автосалонот дошол со такси, а тргнал на пробното возење со вработен од салонот. Но, во еден момент кога вработениот излегол од автомобилот за да му го отстапи возачкото место на потенцијалниот купувач, тој нагазил на гас и се изгубил.
Автомобилот потоа е најден во една гаража во гратчето Гревенброих во близина на Дизелдорф.