Презентација на бизнис идеите на учесниците во CEED HUB Скопје
Објавено во: Мои пари 15 Декември, 2017
Денеска од 13.00 до 16.30 часот, во просториите на CEED HUB во Скопје, се организира завршна презентација на 17 стартап бизниси кои учествуваа на програмите на CEED HUB во изминатите 3 месеци. Стартапите ќе се претстават пред потенцијални инвеститори со кои ќе можат да разменат информации во врска со нивниот бизнис.
Во изминатиот период CEED Hub Скопје имплементираше 2 програми за стартапи со цел поддршка на тимовите во развој на нивните бизниси. Акцелераторската програма, единствена во Македонија, вклучуваше 7 стартапи во кои CEED Hub Скопје инвестираше 68.000 усд.
Пред-акцелераторската програма наменета за дизајнери, поддржана од Програмата за зголемување на пазарната вработливост, вклучуваше 9 стартапи. Учесниците од програмите имаа можност да работат со домашни и странски експерти, да истражуваат и имплементираат иновативни решенија, како и да добиваат важни деловни совети од ментори – македонски бизнисмени подготвени да го делат своето искуство и знаење.
На настанот ќе може да се поставуваат прашања и да се отворат можности за соработка. CEED Hub Скопје е отворен во рамки на УСАИД Проектот за микро и мали претпријатија, ко- финансиран од Владата на Швајцарија, а имплементиран од CEED Македонија – Центар за развој на претприемачи и менаџери. Во последните неколку години претставува еден од најактивните центри за поддршка на стартап екосистемот во Македонија.
Можеби ќе ве интересира
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
ЕВН и „Макпетрол“ ќе постават 10 брзи полначи за електрични возила низ цела Македонија
