Продолжува збркотницата на бендот „Бернајс Пропаганда “ и институциите

Добивај вести на Viber

Продолжува збркотицата помеѓу бендот „Бернајс пропаганда“ и институциите инволвирани во случајот. Денес од бендот излегоа со револт кон Министерството за култура. 

„Им се обраќавме на MИНИСТЕРСТВОТО ЗА КУЛТУРА, укажувајќи на непрописно и нерегуларно одобрената апликација во наше име (Бернајс Пропаганда),која Министерството ЈА ОДОБРИ И ПОКРАЈ ТОА ШТО НЕМАШЕ ПОТПОЛНА ДОКУМЕНТАЦИЈА. Условите се транспарентно пропишани во УПАТСТВО на нивниот сајт кој вели дека АПЛИКАЦИЈА БЕЗ СОГЛАСНОСТ ИЛИ ИЗЈАВА НА уметникот вклучен во проектот, нема да биде ниту РАЗГЛЕДУВАН, А КАМОЛИ ОДОБРЕН ОД МИНИСТЕРСТВОТО! Од друга страна денеска нешто после 11:00 откако пробавме да побараме одговори и документација околу оваа непостоечка апликација не само што не ни дадоа одговор туку оние кон кои не упатија во просториите на министерството ни кажаа дека не се запознаени со нашиот случај и не избркаа од здрадата на министерството со обезбедувањето кое е од Министерство за внатрешни работи. Откако по втор пат конечно успеавме да го верифицираме нашето барање повторно добивме нешто што е далеку од комплетна официјална документација. Одиме на трета среќа и правда!!!“ – велат од бендот.

На ова се јави со коментар на социјалните мрежи Петрит Сарачини од Министерство за култура.

„Драги мои, упорно се обидувам да се воздржам, но хајката продолжува со денови.

Ете пак некој лаже дека имало насилство денес во Министерството, или пак дека има „силеџии и битанги“ во првиот ешалон, алудирајќи на долгогодишните режимски лаги за мене во случајот со Нонкович.

Ова е чисто да знаете дека постојано сум свесен зошто ова се случува, но нема да дозволам да се свлечкам себе си ниту институцијата во вакви дискурси. Ви благодарам на разбирањето.“

преземено од Фејсбук