ПРОТЕСТЕН МАРШ НА АЛТЕРНАТИВА И АЛИЈАНСА: Утре пред ЕУ ќе го изразиме револтот од изборите
Објавено во: Македонија 26 Јули, 2020
Утре вечер со
почеток во 19.00 часот, пред седиштето на Делагацијата на Европската Унија, во
центарот на Скопје, Коалицијата Алијанса-Алтернатива ќе одржи демонстративан
марш, за како што велат, да го изразат револт од пребројувањето на гласовите на
парламентарните избори кои се одржаа на 15.јули.
-Утрешниот марш нема да биде само протест, туку преку него ќе ја изразиме волјата на албанскиот граѓанин во Северна Македонија, кој по последните избори смета дека сериозно се оштетени демократијата и начинот на изразување на слободната волја на албанскиот граѓанин. Со овој протестен марш, токму пред седиштето на Делегацијата на Европската Унија ќе испратиме јасна порака дека една држава којашто ги започнува преговорите за членство во ЕУ не смее да дозволи дел од нејзините граѓани да бидат лишени од правото да избираат и да бидат избрани, што е основното човеково и политичко право во ЕУ, изјави на прес-конференција портпаролката на Централниот штаб на коалицијата, Нурџан Асановска.
Инаку, настанот ќе биде организиран според сите протоколи препорачани за заштита од корона вирусот, поради што, како што нагласи портпаролката, сите учесници ќе носта маски и ѓе го одржуваат потребното растојание.
Почетокот на маршот е закажан во паркот Чаир во Скопје, а потоа учесниците од Коалицијата Алијанса Алтернатива ќе пешачат покрај Владата и ќе се соберат пред зградата на ЕУ.