ПРОВОКАЦИЈА ЗА ГРЦИЈА ИЛИ ДОМАШНА ПРОПАГАНДА: Зошто Мизрахи ја врати „Република Македонија“ во МТСП

Добивај вести на Viber

Едни велат тоа е чиста провокација за соседна Грција, за други пак потегот на министерката во преодната влада да ја врати таблата со старото име на државата е пропаганда за домашна употреба.

Што сакаше да постигне со потегот да застане на прес конференција зад пано со старото име, Република Македонија, Министерката за труд и социјална политика, Рашела Мизрахи и дали ќе има санкции за кршење на уставот и законите не знаеме.

Таа во објава на Фејсбук само кратко напиша „Граѓаните на Македонија го чуваат грбот!“.

За ова однесување на техничката министерка реагираа потписниците на Преспанскиот договор.

Од СДСМ овој потег е лицемерен бидејќи пред да седне во фотелјата на МТСП Мизрахи  немала проблем да се потпише под уставното име Република Северна Македонија.

Меѓудругото од  владеачката партија ја обвинија министерката дека во име на партијата која ја поддржува  се обидува да ги загрози европските процеси на земјава.

Од друга страна, согласно Преспанскиот договор секоја од земјите потписнички може да побара веднаш да се направи корекција во случај на грешки и пропусти во правилната употреба на името и термините.