ПРВ ВИКЕНД БЕЗ ПРЕС НА ФИЛИПЧЕ - значи ли дека не „олабавува“ коронавирусот

Добивај вести на Viber

Министерот за здравство Венко Филипче конечно, после подолг период, конечно, реши да земе еден слободен викенд.

Два дена по ред, односно и вчера, а и денека, министерот не одржа прес конференција. Вчера, сепак, тој имаше едно телевизиско интервју, во кое за јавноста одговори на битни прашања кои се однесуваат на пандемијата со коронавирусот. 

Исто така, иако викендов немаше прес, Филипче постојано комуницира со јавноста преку неговата официјална фејсбук страница, каде што, буквално од час во час им ги соопштува на граѓаните сите нови податоци, или информации што се важни за состојбата со коронавирусот.

Откако земјава беше нападната од КОВИД-19, првиот човек на здравството буквално секојдневно одржуваше пресконференции, а кога состојбата беше најмногу критична, тоа го правеше и во саботите и во неделите. Некогаш сам, некогаш и заедно со друг државен функционер или лекар, Филипче ја информираше јавноста за сите значајни новини во врска со коронавирусот, секогаш транспарентно и никогаш не криејќи ги дури и најнепријатните информации - за жртвите од коронавирусот.   

Филипче ќе остане запаметен и како министер кој максимално трпеливо одговара на новинарските прашања, колку и тие да беа остри и непријатни за него или за здравствениот систем во земјава. Никогаш не му се случи да биде испровоциран, ниту пак, некогаш од него можеше да се забележи било каква нервозна реакција. 

Дури и кога мораше да биде дома во самоизолација, по контактот со кумановскиот градоначалник Максим Димитриевски, Филипче ги одржуваше пресовите од својот дом, од каде што и го координираше здравствениот систем во состојба на коронавирус.

Во петокот Филипче се врати во добропознатиот амбиент, во владиниот прес центар, каде што ја одржа својата редовна прес конференција.

Дали викендов без прес на Филипче прв пат после подолг период значи дека земјава конечно излегува од кризата со коронавирусот, односно дека вирусот стивнува и конечно можеме да се олабавиме од паниката, останува да се види во следниве денови.