ПСИХИЈАТАР ЗА УБИЈЦИТЕ НА ДАНКА: Па каде се овие луѓе, на кое ниво на цивилизација?
Објавено во: Балкан 05 Април, 2024
Луѓето кои и го одзедоа животот на Данка спаѓаат во категоријата бесчувствителни убијци.
Сплитскиот психијатар Иван Урлиќ, вели дека не памети ваков страшен случај на нашите простори, особено што се работи за двегодишно дете.
Од полицијата рекоа дека малото девојче е задавено, а психијатарот Урлиќ објасни дека доколку се точни наводите, се работи за луѓе без морал и совест.
„Тие дури имаа шанса, што е основен човечки порив, да помогнат ако веќе се случил проблем кој може да се случи во сообраќајот, каде што сите сме потенцијални сторители на несакани дејствија. Наместо да го однесат детето и да брзаат во првата болница, тие всушност се препуштиле на нешто што е најлошото од човековите активности. На девојчето му била ускратена помош за нејзината витална потреба, како и можноста да преживее“, вели тој.
Урлиќ истакнува дека е многу тешко да се коментираат луѓе со кои не разговарал, но читал за нивните постапки во медиумите. Вели дека кај осомничените немало емпатија.
„Очигледно се работи за луѓе кои немале емпатија во тој момент. Мислам дека спаѓаат во категоријата бесчувствителни убијци. Па каде се овие луѓе, на кое ниво на цивилизација? Тоа што го направија е неверојатно, за осуда, но осудата е најмалку важна“, вели психијатарот.
Тие всушност го развивале сценариото и се договарале како да ја прикријат приказната.
Во медиумите се појавија информации дека еден од осомничените за убиство учествувал во потрагата кој трае од минатиот вторник.
Двегодишната Данка Илиќ, која исчезна минатиот вторник во приградската населба Бањско Поле во Србија, ја убиле двајца работници на комуналното претпријатие Водовод. Убиството го признале Срѓан Јанковиќ (50) и Дејан Драгијевиќ (50), кои со службениот автомобил налетале на Данка, а потоа нејзиното тело го ставиле во багажникот и го однеле на депонијата.