ПУТИН ЈА МЕНУВА НАДВОРЕШНАТА ПОЛИТИКА: Кој е неговиот нов план за планетата?
Објавено во: Свет 01 Декември, 2016
Рускиот претседател на Русија Владимир Путин го утврдил новиот концепт на надворешната политика на Русија, а текстот на укази е објавен на сајтот на претседателската администрација.
Кога се работи за Сирија, Русија се залага за пронаоѓање на решение како би се сочувало единството, независноста и територијалната целина на земјата. Истовремено, главна цел во борбата против тероризмот треба да биде формирање на широка меѓународна коалиција.
Се наведува дека борбата за доминација во светот е тренд од современ светски развој, додека политиката на САД и нејзините сојузници, во вид на политички и економски притисоци, ја подгреваат регионалната и глобалната стабилност.
Исто така, од САД Русија очекува дека на светската арена ќе се придржува до нормите на меѓународното право. Кога се работи за глобалниот противракетен штит НАТО, во концептот се наведува дека тој претставува закана, и право на Русија да презема адекватни мерки.
Покрај тоа, Русија негативно се однесува кон ширењето на НАТО и приближување до инфраструктурата на нејзините граници, иако е подготвена за изградба на односи со Алијансата , меѓутоа во рамноправни услови.
„Европската унија останува да биде важен економски и надворешно политички партнер на Русија, а Москва е заинтересирана за стабилно и предвидливо партнерство“, стои во текстот.
Исто така се наведува дека визниот режим претставува најголема бариера кога се работи за развој на односите, а укинувањето на визи би станало импулс на јакнење на соработката. Истовремено, Русија ќе користи нови технологии како би ја зајакнала позицијата на руските медиуми во светот, но и да ја заштити својата информативна безбедност.