Рама: Го разбирам Заев, сите други би постапиле така
Објавено во: Балкан 25 Октомври, 2019
Премиерот на Албанија, Еди Рама, гостувајќи во емисијата „Опинион“ на телевизија Клан, рече дека го разбира разочарувањето на шефот на македонската Влада, Зоран Заев по големите надежи за отпочнување на преговорите на Македонија со ЕУ и потезите што следуваа за време и по Самитот во Брисел, односно размислувањата за поднесување оставка и одлуката за предвремени парламентарни избори.
Рама смета дека околностите во Македонија се различни со оние во Албанија и оти ЕУ го изневерила премиерот Зоран Заев. Ветото бо Брисел не влијаело толку разочарувачки во Албанија како во Македонија затоа што и самата земја немала толку големи очекувања.
– Во случајот на Заев е сосема подруго и во тој случај сите други би го сториле истото, затоа што од Заев беше побарано да го смени името на државата. А знаете ли што значи да се смени името на земјата? Тоа е исто како да го смениш името, па наместо Февзиу да те именуваат во Сами, рече Рама.
Тој додаде и дека една од забелешките на ЕУ за Албанија било тоа што две години не функционирал Уставниот суд.