Рама вели не постои Тиранска платформа туку тоа е платформа на Албанците

Добивај вести на Viber

Албанскиот премиер Еди Рама изјави дека т.н Tиранска платформа не постои туку има само „платформа на Албанците од Македонија“. 

Вели дека со неа официјална Тирана немала никаква поврзаност. Тој е дециден дека Албанците во Македонија „не се бегалци, туку интегрален дел на една држава со два ентитета. 

„Нема никаква платформа од Тирана, туку платформа на албанските партии на кои ние им помогнавме. Ние имавме  одделни средби  со лидерите на албанските партии и зедовме прибелешки се што кажаа. Тие се обединија во едно парче хартија“ - вели Рама во интервју за една албанска телевизија.

Според него, вистината е сосема поинаква од она што го тврдат претседателот на Македонија, Ѓорге Иванов и ВМРО-ДПМНЕ.

„Оваа влада е влада која кога спроведе административни реформи, оставивме една општина за малцинството (мисли на Македонците и општина Пустец) и оставивме да стават име кое го сакаа, онака како што се чувствуваат во нивните домови. Тоа е се, нема никакво чудо, тоа е напор на Албанците во Македонија за да ја направат Македонија посилна и тоа се прави како што сакаат Албанците“ - изјави Рама.

Тој додава дека не се согласил да се сретне со ниту еден лидер на партија за време на изборната кампања.

Рама претходно изјави дека Албанците се над 35% од населението во Македонија.