Расте економијата на Велика Британија, но 40 отсто од населението е сиромашно?!
Објавено во: Свет 20 Август, 2013
Втор квартал по ред со стапка од 0,6 отсто расте економијата на Велика Британија, вредна 2,3 билиони долари. Тоа е втор последователен раст по првиот квартал од оваа година, кога британската економија растеше со стапка од 0,3 отсто, пишува „Ројтерс“.
Централната банка ги промени прогнозите за идната година, па од најавениот раст од 0,8 отсто, новиот гувернер је крена прогнозата на 2,8 проценти.
Ако се остварат овие предвидувања тоа ќе биде најголем раст на Велика Британија од 2007 година и сигурно излегување од рецесијата во 2015 година.
Но, овој успех на шестата најголема економија има и своја „темна страна“.
Прво проблемот е политички. Дали Владата на Дејвид Камерун ќе се осмели да продолжи со спроведувањето на реформите и мерките на штедење, поради парламентарните избори кои ќе се одржат за две години. Второ, проблем е зголемувањето на бројот на сиромашни и се помалку работни места за работниците со средно и ниско образование, а не треба да се игнорира ниту инфлацијата која Централната банка се уште не може да ја стави под контрола.
Според истражувањето што го спроведе Владата на Велика Британија, речиси 52 проценти од населението едвај успева да ги плати режиските трошоци, а речиси 40 отсто од Британците во моментов живеат во сиромаштија.