Ременски побара јавноста да биде исклучена за да не го гледаат нејзиниот дом
Објавено во: Македонија 26 Август, 2020
Поранешната пратеничка Фросина Ременски на денешното рочиште за случајот „Меѓународне сојуз“ побара да биде исклучена јавноста од следењето на полициските снимки од претресот на нејзиниот дом. На снимките кои ги направило обвинителството, според обвинетата, ќе се види дека кај неа било упаднато незаконски, во момент кога сопствениците не биле дома.
Професорката преку снимката го оспорува претресот кој беше извршен за време на истрагата за случајот „Меѓународен сојуз“, затоа што, како што вели обвинетата, не била дома кога тој се спроведувал.
Јавноста беше исклучена во делот кога требаше да се прикаже претресот во домот на Ременски, а нејзиното образложение беше дека на фотографиите се гледаат просториите на нејзиниот дом, вкучително и спалната соба и оти на тој начин се нарушува приватноста.
-Приложивме и ние доказ за неовластениот влез во мојот дом, така што тука ќе ги судриме видео – материјалите кои ќе видиме колку кореспондираат со она што е тврдење на јавното обвинителство и она што е мое тврдење, дека имаме комплетно неовластено влегување и претрес во мојот дом. Во овој случај имаме несоодветна проценка за правење претрес по исклучок во дом кој е отворен и во кој нема опасност од вооружен напад или отпор за да влезе без дозвола и присуство на сопствениците на домот, рече Ременски.
Во случајот познат како „Рекет 2“, освен Ременски се обвинети Бојан Јовановски Боки 13 за измама и перење пари, а за истото дело се обвинети уште и Јасна Ерцеговиќ и Кристина Блажевска, како и Миле Јовановски.
На денешното рочиште се изнесуваа докази одземени при претресот на домовите на обвинетите.