Руски делегати протерувани од САД и Франција поради труењето на Скрипал и неговата ќерка
Објавено во: Свет 26 Март, 2018
По одлуката на американскиот претседател Доналд Трамп за протерување на 60 руски дипломати, наводни шпиони од САД како резултат на нападот со нервен агенс врз поранешен шпион Сергеј Скрипал и неговата ќерка, француското Министерствот за надворешни работи соопшти дека и оваа земја протерува четворица руски дипломати поради истиот случај.
Според висок претставник на Белата куќа, „48 лица за кои се знае дека вршат разузнавачки работи“ од рускиот Конзулат во Сиетл и 12 од руската мисија во ОН имаат седум дена да ги напуштат САД, јави АФП.
-Соединетите Американски Држави ја преземаат оваа акција во координација со нашите сојузници и партнери од целиот свет, како одговор на користењето хемиско оружје од страна на Русија на територијата на Обединетото Кралство, најновата акција во својот модел на дестабилизирачки активности ширум светот , изјави секретарот за печат во Белата куќа, Сара Сандерс.
Британската премиерка, Тереза Меј ги прекина билатералните односи со Русија аналогно на што 23 руски делегати мораа да ја напуштат државата.
Според Лондон, Русија е виновна за труењето на екс-разузнавачот, Сергеј Скрипал на британска територија.
„Овие 23 дипломати се идентификувани како разузнавачки агенти што тајно работеле“, изјави Меј.
На тоа возврати и Русија, која најави дека ќе протера 23 британски дипломати и негира дека има врска со труењето на Скрипал.