„Самоопределување“ на Албин Курти: Албанците со историски рекорд на пратеници во Македонија

Добивај вести на Viber

Еден ден по националните избори во Северна Македонија, Движењето „Самоопределување“ ги поздрави позитивните резултати на Албанците во Македонија, каде според опозициската партија од Косово тие може да бидат од 32 до 34 пратенички места.

Опозициската партија во Косово ја поздрави посветеноста на партиите да се мобилизираат гласачите Албанци да излезат на гласање и да го постигнат овој рекорд, додека најавуваат дека наскоро ќе го отвори својот партиски центар во Македонија.

„Изборите се одржаа во средата на 15 јули во Република Северна Македонија. Движење „Самоопределување“ ги следеше овие избори со голем интерес, затоа што тие се одржуваат во соседна земја и добар партнер на Косово, но особено затоа што во таа земја живее како автохтона голема албанска заедница. Ангажирањето и конкуренцијата беше силна кај албанските политички ентитети и ова ги мобилизираше гласачите да учествуваат на изборите. Додека ние сè уште ги чекаме конечните резултати, добра вест е што според првичните резултати што ги објави комисијата, 32-34 албански пратеници ќе седнат во македонскиот парламент. Ова е големо закрепнување од последните избори, каде само 23 Албанци ја презедоа должноста“, гласи реакцијата на „Самоопределување“.

Но, тоа е исто така рекорд сам по себе, со оглед на тоа што претходниот најголем број албански пратеници беше 29, велат од таму и додаваат дека добро е тоа што севкупен победник во семјата е СДСМ и коалицијата, бидејќи како што велат од таму, владеачката партија била мошне отворена за Албанците.