Саудиска Арабија се вооружува - од каде се снабдуваат со оружје?
Објавено во: Свет 06 Април, 2018
САД ќе одобри продажба на артилјерија на Саудиска Арабија во вредност од 1,3 милијарди долари.
Стејт департментот објави дека администрацијата му порачала на Конгресот да планира да ја одобри продажбата, а конгресмените ќе имаат 30 дена да дејствуваат доколку сакаат да ја спречат продажбата.
Продажбата вклучува 180 хаубици „Паладин“ со калибар од 155 милиметри.
Продажбата на тие хаубици нема да ја промени воената рамнотежа на Блискиот исток, изјави Пентагон.
Откако принцот Мухамед бин Салман пристигна во Америка минатиот месец, САД до сега потпишале договори за продажба на оружје на Саудиска Арабија вредни околу 2,3 милијарди долари.