Се намалува невработеноста во еврозоната

Добивај вести на Viber

Невработеноста во еврозоната изненадувачки се намалила во октомври што е знак за обнова на регионот. Во изминатиот месец, стапката на невработеност во земјите од еврозоната, се намалила до 12.1 % , во споредба со рекордното ниво од претходниот месец кај 12.2 % . Во исто време, нивото на инфлација се забрза до 0,9 % во текот на овој месец , што го надминува просекот на очекуваната на пазарот инфлација од 0,8 % . Податоците за невработеноста се првите што укажуваат на подобрување на показателот од потенцијалното излегување од рецесија на економијата на еврозоната. "Економијата се уште е премногу слаба за да доведе до фундаментална промена на пазарот на трудот " , смета Ана Марија Грималди , економист во Intesa Sanpaolo SpA , пренесува Bloomberg . " Растот треба да се забрза и потребни се структурни реформи во неколку земји за да видиме значително подобрување при невработеноста ", додава таа. Стапката на невработеност во Шпанија се зголемила до 26.7 % во октомври , дури и покрај враќањето кон раст во третиот квартал . Денес рејтингот на земјата беше зголемен . Нивото на невработеност во Италија се задржалопри 12.5% во изминатиот месец , додека во Германија невработеноста се задржува кај 5.2 % . Невработеноста кај младите под 25 години е зголемена до 24,4% во еврозоната во октомври , предводена од растот во Италија, каде младите невработени веќе се 41.2 % во однос на 40.5 % месец порано .