СЕ ПОЧЕСТО СЕ ПАТУВА СО АВИОН: Кој настан го направи август најфреквентен месец за воздушниот сообраќај?

Добивај вести на Viber

Воздушниот сообраќај како еден од најбезбедните начини на патување зема замаф.

За девет месеци од двата македонски аеродроми со авион летале 1,6 милиони патници што претставува раст од 12 проценти на годишно ниво.

Оваа статистика ја соопштија од ТАВ Македонија откаде потенцираа дека во бројки биле опслужени 13 752 летови.

Според генералниот директор на ТАВ Македонија Алпер Ерсој за двоцифрени бројки во порастот на бројот на патници придонеле и новите четири линии од скопскиот аеродром и новите сезонски летови од охридскиот аеродром, во втората половина од годинат

Статистиката на ТАВ покажува дека патниците во изминатите девет месеци најмногу летувале од Скопје кон Истанбул.

Цирих е втора најфрекфентна дестинација. Зад неа следат Виена, Базел, Малме и Лондон.

Како најголем авиопревозник се јавува Визер. По него следуваат Туркиш ерлајнс и Аустриан ерлајнс..

Она што како посебна интересна статистика го објавија од ТАВ е тоа дека август бил месец кој бил најпрометен досега.

Тогаш биле опслужени 216.409 патници .

Денот кој бил најфреквентен на аеродромот во Скопје во овој период од 9 месеци е седми август – понеделник.

Тогаш 8.283 патници беа превезени со 98 летови.

Овие рекордни бројки се постигнати и се должат најмногу на спортскиот настан, УЕФА – Супер купот.