Се уште не се знае причината за смртта на 11-годишниот Илче, нема резултати од обдукцијата
Објавено во: Македонија 09 Октомври, 2020
Нема уште резултати од обдукцијата на телото на починатото 11-годишно момче од Охрид, Илче, кој пред неколку дена почина во малиот групен дом прио Специјалниот завод во Демир Капија, со што треба да се утврди причината за неговата ненадејна смрт.
Министерката за труд и социјална политика, Јагода Шахпаска, одговарајќи на новинарско прашање рече дека тие како надлежно министерство, веднаш откако е пронајден во исклучително лоши услови, оставен од родителите, се потрудиле прво да добие лекарски третман на Клиниката за детски боелсти, а потоа да добие соодветна заштита и грижа во мал групен дом.
-Тој во малиот групен дом постојано бил под надзор од матичен лекар и има постојана здравствена заштита по излегувањето од болница. За време на престојот во домот неговата здравствена состојба била добра. Денот кога Илче почина негователката која се грижела кога видела дека наеднаш починал, повикала матичен лекар кој пак се јавил во полиција. Вклучен е и јавен обвинител и институциите постапуваат согласно закон. Беше индицирана обдукција, тоа е завршено и кога ќе ги имаме резултатите ќе знаеме која е вистинската причина за смртта, изјави министерката Шахпаска.
Според неа, реформата во социјалната политика треба да го подобри системот за грижа за овие лица и тие побрзо да добиваат заштита.