СЕМЕ НА РАЗДОРОТ: Пригожин збесна, вели дека има фракции кои ја уништуваат руската држава

Добивај вести на Viber

Основачот на руската паравоена група Вагнер Евгениј Пригожин денеска изјави дека различни фракции во Кремљ ја уништуваат земјата обидувајќи се да посеат семе на раздор меѓу него и чеченските борци.

- Опасните игри станаа вообичаена појава во кулите на Кремљ. Тие едноставно ја уништуваат руската држава – изјави Пригожин, пренесува Ројтерс.

Тој не прецизираше за кои фракции на Кремљ се мисли, но рече дека ќе продолжат со обидите за ширење раздор и дека ќе мора да платат за тоа.

Пригожин, кој во последно време упатува бројни критики кон руското државно и воено раководство, вели дека е решен конфликтот меѓу него и Чеченците, кои исто така се борат заедно со руската армија во Украина.

Тој истакна дека секоја битка меѓу специјалните сили „Ахмат“ на чеченскиот лидер Рамзан Кадиров и „Вагнер“ ќе резултира со сериозно крвопролевање, но дека нема сомнеж кој ќе победи.

Основачот на Вагнер уште еднаш го изрази своето незадоволство од моменталната ситуација на теренот и укажа на вината на министерот за одбрана Сергеј Шојгу и началникот на Генералштабот Валериј Герасимов.

-Министерството за одбрана не е во состојба да направи ништо бидејќи де факто не постои. Во хаос е – рече Пригожин.

(Танјуг)