Шекеринска во Северноатлантскиот совет дебатираше за нуклеарното вооружување на Русија
Објавено во: Македонија 27 Јуни, 2019
Вицепремиерката Радмила Шекеринска во Брисел на Северноатлантскиот совет на НАТО во Брисел на ниво на министри за одбрана дебатираше за непочитувањето на Договорот за нуклеарното оружје со среден дострел од страна на Русија.
Министрите за одбрана повторно ја повикаа Русија да ја напушти политиката на непочитување на овој Договор, кој е еден од столбовите за безбедноста на европскиот континент.
Втор пат по потпишувањето на пристапниот протокол за членство на нашата земја во Алијансата, Македонија активно учествува во дискусиите за важни глобални прашања.
Во својата изјава, генералниот секретар на Алијансата, Јенс Столтенберг, во името на министрите за одбрана, истакна дека НАТО се подготвува за свет без ваков важен Договор, а како мерки кои би биле во сила по 2 август, доколку позицијата на Русија не се промени, ги наведе воените вежби, против-ракетната одбрана и активностите за набљудување и извидување.