ВАЖНО ЗА ГРАЃАНИТЕ: Лични документи можат да се подигнат и утре
Објавено во: Македонија 07 Мај, 2024
Лични документи можат да се подигнат и утре на денот на изборите.
Во пресрет на претстојните Претседателски и Парламентарни избори што ќе се одржат утре (среда 08.05.2024 година), Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, велат од полицијата.
Истата услуга граѓаните ја добија и во претходниот круг од изборите.