Шилегов: Не можеме да отстраниме патници кои се возат без маски, можеме само тие без билет
Објавено во: Македонија 06 Април, 2021
Не постојат механизми со кои можеме да ги отстраниме патниците кои не носат заштитни маски, или не се прдржуваат до препораките за пандемијата со коронавирус, можеме да ги отстрани само оние кои немаат платен билет.
Ова го изјави скопскиот градоначалник Петре Шилегов на прес конференција.
Шилегов вели и дека сѐ уште се превезуваат помалку патници и тоа за 60 проценти помалку од времето пред пандемијата, додавајќи и дека онаму каде што е потребно превозот се засилува а до 75 проценти се исполнуваат автобусите
Автобусите се полни согласно препораките на Комисијата за заразни болести, до 75 проценти. Онаму каде гледаме дека има потреба да се интервенира, го засилуваме превозот. Но, апсолутно има доволно контроли, зголемени се и бројот на казните и патници кои не ги плаќаат билетите, рече денеска градоначалникот на Град Скопје, Петре Шилегов.