Што да очекуваат пазарите со уште еден мандат на Меркел?
Објавено во: Економија, Свет 21 Ноември, 2016
Германската канцеларка, Ангела Меркел вчера најави дека се кандидира повторно.
Со оглед на политичките турбуленции во целиот свет одлуката на Ангела Меркел да се кандидира за четврти мандат на федералните избори следната година, им дава на инвеститорите перспектива за уште четири години со германскиот канцелар, чиј стил на водење добро го познаваат, коментира Bloomberg.
За време на 11-те години како канцелар Меркел ја заштити еврозоната цела, се воздржа да ги критикува политиките на Европската централна банка (ЕЦБ), залагајќи се за економските санкции против Русија и силен воен сојуз со НАТО, додека во исто време јасно даваше поддршка за слободната трговија.
Германскиот индекс DAX и еврото може да поминат низ краткорочни потешкотии, смета Карстен Бржески, главен економист во INDG-Diba во Франкфурт. Иако DAX достигна рекордно ниво кај Меркел во април 2015 година, индексот сега е со 14% помал.
На долг рок акциите може да поевтинат, бидејќи бегалската политика на Меркел предизвикува популистички одмазднички удар, кој ќе натежне на пазарите, вели Џејмс Батарфил, шеф инвестиции и студии во ETF Securities во Лондон.Еврото поскапе во азиската трговија по веста за кандидатурата на Меркел.
Германскиот министер за финансии, Волфганг Шојбле имаше критики за партијата на Меркел, велејќи дека рекордно ниските каматни стапки на ЕЦБ ги привлекуваат гласачите кон антиевропската, антиимиграционата партија „Алтернатива за Германија". Меркел во голема мера ги избегнува критиките кон претседателот на ЕЦБ, Марио Драги.