Што вели Ахмети за изјавата на Заев дека е спремен да отстапи пратеници на Мицкоски?
Објавено во: Македонија 01 Јули, 2020
Претседателот на ДУИ, Али Ахмети не е загрижен затоа што е можно лидерот на СДСМ, Зоран Заев и претседателот на ВМРО-ДПМНЕ, Христијан Мицксоки да направат малцинска Влада.
Заев во дуелот на ТВ 24, синоќа изјави дека е подготвен да позајми 13 пратеници на Мицкоски со кои би се направила Влада без уцените на ДУИ.
Од ДУИ тврдат дека Насер Зибери е идниот премиер на државата, кој и да победи во македонскиот блок.
„Во движење се ставени не само земјата и регионот, туку и меѓународни центри, бидејќи правдата е на наша страна и целата врева се крева поради тоа што ние излеговме со наше правно и легитимно барање за премиер Албанец“, изјави Ахмети на промоцијата на партијата во Куманово.Вели дека со премиерот Албанец ќе се зајакне интегритетот и суверенитетот на државата.
Заев кажа дека ако ДУИ уценува ќе отстапи 13 пратеници на Мицкоски, или пак ќе побара 6 пратеници.
Тој рече дека нема да преговара со ДУИ ако уценуваат.