Сите ќе трпиме поради Сирија

Добивај вести на Viber

Растот на светската економија може да успори поради ширење на кризата во Сирија, бидејки ќе се покачи и цената на нафтата. Додека бизнисмените и потрошувачите пак би можеле да ги намалат своите расходи, пишува американскиот Вол стрит журнал. Според компанијата ЈП Морган десетпроцентното поскапување на нафатата во последните три месеци може да влијае на падот на глобалниот бруто домашен производ за 0,3 отсто, сметано на годишно ниво. Очекувањата на почетокот на воеините интервенции на САД врз Сирија, веќе ги потурна цените на нафтата во текот на минатите седмици на повеќе од 110 долари за барел, што е највисоко ниво за минатите две години. Според наводите воените акции на САД на Блискиот исток до сега обично имале последици врз нестабилноста на пазарот. Поради што цените на нафтата секогаш растеле пред било која таква операција, пишува Вол стрит журнал. По завршувањето на воената интервенција стравот на инвеститорите ќе спласне, поради што нафтата поевтинува и тоа делува стимулативно на глобалната економија, тврди ВСЖ. Сепак овој пат според проценките на списанието периодот на нестабилност ќе се протегне, откако Обама одлучи за најавената воена интервенција против Сирија да побара одобрение од американскиот конгрес кој по летната пауза ќе се собере на 9-ти септември. Доза на неизвесност на финансискиот пазар постои и поради претстојните парламентарни избори во Германија, бидејки веднаш по нив ќе биде јасно како понатаму ќе се решава должничката криза во еврозоната, вклучувајки ја и доплонителната помош за презадолжената Грција, наведуваат аналитичарите на кои се повикува ВСЖ.