Скопскиот манијак кој се самозадоволувал пред девојки се извини и призна вина
Објавено во: Македонија 10 Март, 2023
Скопскиот манијак кој се самозадоволувал пред девојки на јавни места Сонер Арслан на денешното рочиште призна вина и се извини пред четирите девојки пред кои внесувал страв во автобуси и пред влезови на згради.
Тој изразил каење и ветувал дека нема да го повтори делото. Најмладата негова жртва е 20-годишно девојче, додека највозрасната имала 24-години. Вкупно се пет, а четири беа и во судницата.
Имено, во пет наврати осомничениот 30-годишник на различни локации во Скопје, во автобуси и влезови од згради, се самозадоволувал пред девојки.
„Да виновен сум. Признавам дека ги сторив кривичните дела онака како што е опишано во диспозитивот на обвинителниот предлог. Многу се каам, многу се извинувам“, кажа тој пред судијката, пренесува Макфакс.
Арслан ветил дека нема повеќе да се самозадоволува пред девојки на јавно место.
„Цел живот нема да правам вакви грешки. Многу се каам. Татко ми е стар, јас само со него живеам, не може да работи. Во април ќе се женам ќе имам свадба. Барам помош од вас“, рече Арслан.