Слабиот рејтинг ќе го закочи Ципрас за компромисно решение?
Објавено во: Балкан 16 Март, 2018
Грчкиот премиер Алексис Ципрас заостанува во рејтингот на последните анкети на јавното мислење во Грција зад Андонис Самарас кој сега е лидер на Нова Демократија, најголемата опозициска грчка партија.
Со заостанување на Сириза на анкетите можно е грчката влада да застане поцврсто на црвените грчки линии и да одбие посериозен компромис кој би довел до достоинствено решение на спорот за името со Република Македонија.
Сспоред анкетата на агенцијата „Пулс“, изработена за грчката телевизија „Скај“, доколку сега се одржат избори во грчкиот Парламент ќе влезат пат партии, меѓу кои не е сегашниот коалициски партнер на СИРИЗА во Владата, партијата Независни Грци, која не би го добила потребниот број гласови за минување на изборниот цензус.
Резултатите велат дека Нова демократија ужива поддршка на 28,5 отсто од граѓаните, а СИРИЗА на 19,5 проценти. Изборниот праг би го минале уште и левоцентристичкото Движење за промена со поддршка од 8 отсто, екстремно десничарската Златна зора со 7.5 проценти и Комунистичката партија на Грција за која би гласале 5.5 отсто од анкетираните.
На овие анкети видливо е дека грчката десница има вкупно поголема поддршка од левицата што и дава на Нова демократија поголеми шанси да победи на парламентарни избори и да формира влада.Токму таквиот притисок може да фрли сенка врз легитимитетот на премиерот Алексис Ципрас кој изрази подготвеност конечно да го реши спорот за името со Македонија.