СЛОВЕНЦИТЕ КУКААТ: Никогаш не било поскапо на хрватскиот брег
Објавено во: Балкан 27 Април, 2018
Летувањето на хрватскиот брег оваа година ќе биде значајно поскапо отколку лани, пишува словенско Дело.
Набројуваат сезонско поскапување на патарини од 10 отсто, како и траекти, и до пат пати поголеми надоместоци за сопственици на бродови, скапи хотели и ресторани. „Тоа се само некои од бројните зголемувања на цените“, истакнува словенечки дневник, пренесува Tportal.
Посебен акцент ставиле на наутичкиот туризам. Пишуваат како Хрватска е една од најпопуларните дестинации за милиони европски љубители на глисери и јахти. Силен раст на наутичарите резултирал со раст на цената на пристаништето во хрватските марини.
„Поради скапите пристаништа и други надоместоци, сопствениците на бродови размислуваат за одмор во некои други медитерански земји“, наведува Дело.
Најмногу прашина кренало драстичното зголемување на таксата за престојување за сопственици или корисници на пловила, и тоа за дури пет пати. Меѓутоа, Дело пишува дека менаџерите на марини не очекуваат дека јахташите поради тоа ќе ги напуштат хрватските марини.