Со монеро се плаќаат сајбер уцени: Пробив на „тајната“ криптовалута

Добивај вести на Viber

Се поголемо внимание во светот особено кај регулаторите и полицијата почна да привлекува криптовалутата „монеро“. Оваа криптовалута е различна од останатите затоа што ако биткоинот е дизајниран да остава видлива трага од трансакциите преку таканаречената блокчејн технологија, „монеро“ ги прикрива податоците на оној што ги испраќа парите, оној што ги прима, како и износот на трансакцијата. Благодарение на тој концепт на заштита на приватноста, тој стана првиот избор на сајбер криминалците, уценувачите и хакерите.

Експертите проценуваат дека денес 10 до 20 проценти од сајбер уцените се плаќаат во монеро, што е за 50 проценти раст на годишно ниво.

Монеро беше лансиран како проект „со отворен извор“ на Форумот за корисници на Биткоин во 2014 година, со акцент на приватноста и анонимноста како клучна карактеристика на е-готовина. Ниту еден трговец не знае од каде потекнува, ниту е заинтересиран за тоа.

Од почетокот на 2020 година вредноста на „монеро“ се зголеми за четири пати, па затоа нејзината пазарна капитализација достигна 5 милијарди долари, што е сè уште далеку од пазарната капитализација на биткоинот која е импресивни 727 милијарди долари.

Европол минатата година предупреди на зголемената опасност од заштитени крипто-валути како што е монеро, додека американската даночна управа нуди награда од 625.000 американски долари за секој развивач на дигитални алатки поврзани со оваа криптовалута.