Социјалистичката партија бара 200 милиони денари за „домче“ во Тафталиџе, Јакимовски вели нема да има петкатница

Добивај вести на Viber

Социјалистичка партија на Македонија (СПМ) ја тужи општина Карпош и од неа бара отштета од 200 милиони денари за објектот кај таканареченото „домче“ кое се наоѓа во населбата Тафталиџе 1, вели денеска градоначалникот Стевчо Јакимовски. Тој во интервју објаснува каква е ситуацијата со овој објект откако пред неколку дена имаше реакција од староседелци кои побараа да се врати првичната намена на објектот кој на времето беше Месна заедница на Тафталиџе. Според ДУП-от на ова место требало да с егради петкатница и хотел, но Јакимовски денеска го демантира тоа.

„Јас одговорно ви тврдам дека ќе сторам се што можам и дека таму нема да има објект од П плус 5, вели Јакимовски.

Тој претходно објаснуваше дека ситуацијата со овој објект емногу специфична.

„Многу специфична е ситуацијата со поранешното домче. Сопственост е на СПМ, односно таму СПМ побарала градежна дозвола, мојот претходник го потпишал договорот за комуналии, платени се комуналиите, но дозволата не е издадена. Она што е најстрашно и парите за комуналии не се вратени. СПМ не тужи и бара оштета од 200 милиони денари. За жал не е преговарано на вештачењето ниту пак Карпош барал ново вештачење за да се демантира таа сума, вели Јакимовски.

Вели дека ќе постапува внимателн.

„Поставен сум овде да не правиме штета. Инаку во 2000 година стигна известување дека објектот каде беше сместена Месната заедница е на СПМ. Документите беа во ред и докажуваа дека сопственоста е неприкосновена, но сепак на инсистирање на граѓаните на Тафталиџе јас поведов судски спор. Се договоривме да поведеме судски спор и најдовме адвокат кој го плаќаше општината и го изгубивме спорот, дури и на Врховен суд, вели Јакимовски.