Сопрена пратка со отпад на Богородица
Објавено во: Македонија 29 Јануари, 2020
Министерството за животна средина соопшти дека во моментов се врши вонреден инспекциски надзор над пратка со отпад сопрена на граничниот премин Богородица.
„Се информира јавноста дека во моментов Државниот инспекторат за животна средина во координација со Министерството за животна средина и просторно планирање и Царинската Управа, врши вонреден инспекциски надзор над пратка со отпад (РДФ) запрена на граничниот премин Богородица помеѓу Република Северна Македонија и Грција“, соопшти министерството.
Резултатите од надзорот ќе бидат споделени со јавноста по извршениот увид на документацијата и анализа на земените примероци од страна на инспекторите и царинските служби.