СРБИЈА СЕ ЖАЛИ НА ПРИТИСОК: Се повеќе мигранти доаѓаат од Бугарија

Добивај вести на Viber

Министерството за одбрана на Србија соопшти дека во последните пет дена е регистриран зголемен миграциски притисок од Бугарија и Македонија.

Во овој период 1 044 мигранти се обиделе илегално да ја преминат српската државна граница, се пожалија од Министерството, во Белград.

Оттаму додаваат дека во последните денови се приведени 8 шверцери на луѓе кои превезувале мигранти.

Синоќа воено-полициските тимови задржале крај Заечар 33-годишен српски државјанин од Белград, кој со комбе со австриски регистарски таблички превезувал 20 илегални мигранти, главно од Авганистан. Меѓу уапсените мигранти имало 7 деца. Во вторникот заедничките тимови уапсиле тројца други шверцери од Белград, кои се превезувале 16 Авганистанци. А пред една недела во околината на Ниш се приведени други четворица српски државјани од Прешево, кои се обиделе илегално да пренесат 63 лица во четири различни автомобили.

Дел од шверцерите добиле мерка притвор од 30 дена.

„Борбата против шверцерите на луѓе останува приоритет за заедничките воено-полициски екипи“, се вели во соопштението на Министерството за одбрана.

Од основањето на екипите на 22 јули до денес се откриени 6470 мигранти, кои се обиделе илегално да ја преминат границата. Во овој период се приведени и 45 шверцери на луѓе.