Српскиот поп Драгојловиќ: Грците немаат право да ја присвојуваат цела Македонија
Објавено во: Балкан 08 Март, 2018
Српскиот православен отец Петар Драгојловиќ изненади многумина со својот позитивен став насочен кон Македонија со оглед на меѓуцрковниот спор, а исто така жестоко ги искритикува како што вели браќата Грци кои не се во право за нивните обиди да ја присвојат целат Македонија и да не и дозволат на соседната држава да го зачува нејзиниот индентитет кој е посебен.
„Епа не е баш така браќа Грци. Со сета почит, не може Македонија да е само Грчка. Егејска Македонија е грчка бидејќи денес таму главно живеат Грци и припаѓа на грчката држава. Вардарска Македонија е Македонска и таа држава се нарекува Република Македонија. Никој нема право да одзема име и јазик на еден наорд и една држава. Во Република Македонија 80% од населението се Македонци, и не се ниту Грци, ниту Бугари ниту Срби. Во неа мнозинскиот народ е македонски. Како што во Пиринска Македонија мнозинството се Бугари. Што значи, Македонија е територија на три држави и многу народи кои живеат во тие три држави, но главно Грци, Македонци и Бугари. Мене како Србин и првослaвен игумeн кој живее во Србија, Македонците ми се драг и посебен народ, кои имаат своја држава, свое име, своја нација, свој јазик, своја историја. Исто така, ги сакам и ценам Грците и Бугарите, но не поддржувам ничиј елитизам или етношовинизам, било тоа да е кај поединци во секој народ, или кај некои поголеми групи од секој народ. Ниту српскиот, ниту бугарскиот, ни грчкиот, ни македонскиот. А паролата – Македонија е Грчка, му се допаѓа тоа неколму или не, е шовинистичка и елитистичка. Грицте немаат право да ја присвојуваат цела Макдонија, ниту да имаат ексклузивитет на нејзиното име. А, оној кој и малку знае историја, знае дека дури и античките Македонци, зборували потполно различен мајчин јазик од Грците, односно биле различен народ од Грците. Така да Грците не можат да присвојуваат ниту антички Македонци, а не можат ниту денешните Македонци и денешната Република Македонија“ – пишува игуменот Петар Драгојловиќ на својот Фејсбук профил.
Неговиот статус ги запали социјалните мрежи и собра над 2000 лајкови и над 600 споделувања.