15 Февруари, 2025
0.0275

РЕЦЕСИЈА: СТАТИСТИКА ИЗМЕРИ ПАД НА БДП И ВО ТРЕТИОТ КВАРТАЛ - економијата во минус од 3,3 отсто

Објавено во: Економија 07 Декември, 2020

Добивај вести на Viber

Домашната економија доживеа пад од 3,3 отсто во третиот квартал од годинава, соопшти денеска Државниот завод за статистика. 

Ова следува откако во првото тримесечје бруто домашниот производ на земјава доживеал раст од само 0,9 отсто, додека, пак, во вториот квартал, кога ударот од кризата беше најголем, минусот во економијата изнесувал дури 14,9 отсто.

Кога два квартала едно по друго се бележи пад на економијата, тоа значи дека таа и официјално е влезена во рецесија. 

Како што е познато, првичните податоци на државните статистичари говореа дека БДП во вториот квартал паднал за 12,7 проценти, но сега тој показател е ревидиран и е уште полош од претходниот, а покажува дека во второто тримесечје сме имале негатива кај БДП од дури 14,9 отсто. Или, во месеците април, мај и јуни, домашната економија се струполила за близу 15 проценти. Овој пад не е забележан уште од 2001 година, кога нашата држава се соочи со воен конфликт.

Додека, пак, за првиот квартал од годинава, бројките беа полоши, а сега се ревидирани нагоре, на 0,9 отсто.

Со најновиот податок на Статистика, се гледа дека просечно во првите девет месеци од годинава, или во првите три квартали, домашната економија имала просечен пад од 5,8 проценти. 

Огромен пад во третиот квартал има кај рударството, за 10,4 отсто, потоа преработувачката индустрија се струполила за 9,1 отсто, додека, пак, кај трговијата има пад од 2,3 отсто. Уметноста, забавата и рекреацијата паднале за 6,6 отсто.

Во третото тримесечје најголем пораст е забележан во секторите земјоделство, шумарство и рибарство од 5,2 отсто, додек, пак, градежништвото пораснало за 3,4 проценти, а дејноста информации и комуникации е во позитива од 3,3 отсто. 

Финалната потрошувачка на домаќинствата во третото тримесечје номинално опаѓа за 1,4 отсто, а нејзиното учество во структурата на брутодомашниот производ изнесува 66 проценти. 

Во истиот период, извозот на стоки и на услуги номинално се намали за 6,8 отсто, а увозот на стоки и на услуги забележа намалување во номинален износ од 3,2 проценти.

Институтот Finance Think вели дека падот на БДП на земјава во третиот квартал од 3,3 отсто е нешто помал од нивните априлски проекции, кои прогнозираа пад од 4,7 проценти. Ова, според нив, се должи на владината интервенција за ублажување на социо-економските ефекти од Ковид-19, која свој најголем интензитет достигна во третиот квартал. 

„Тоа се согледува и преку растот на јавната потрошувачка во овој квартал од 13,5 отсто, во услови кога домаќинствата продолжиле да бидат воздржани (пад на приватната потрошувачка од 4,1 отсто), а условите на трговијата продолжиле да бидат отежнати. На производната страна, во третиот квартал се забележува релативна консолидација, која е значајна кај најпогодените сектори: преработувачката индустрија, трговијата, транспортот и хотелиерството, иако тие го продолжиле својот пад“, објаснуваат од институтот.  

„Врз основа на подобрите остварувања во третиот квартал и очекувањето за влошена активност во четвртиот квартал, во однос на проекциите од април 2020, Finance Think ја корегира проекцијата за падот на БДП во 2020 на минус 4,8 отсто, како и во четвртиот квартал од 2020 на минус 1,8 проценти. Под претпоставка дека економските текови ќе продолжат со разумно темпо на нормализација до почетокот на вториот квартал од 2021, што пак е одредено од брзината и ефикасноста на вакцинирањето против Ковид-19, проекцијата за растот на БДП во 2021 изнесува 4,9 отсто“, соопшти овој институт. 

Инаку, Народна банка на Македонија денеска ги ревидираше своите проекции за пад на бруто-домашниот производ за годинава на 4,9 отсто, потенцирајќи дека тоа е заради продолжениот ефект од коронакризата, односно вториот бран, и нагласувајќи дека домашната економија ќе почне да закрепнува дури од 2022 година.  

Н.Н.Ф.

Можеби ќе ве интересира

ЕВРОПА РАЗМИСЛУВА ЗА ОГРАНИЧУВАЊЕ НА ЦЕНИТЕ НА ГАСОТ: Доцна се сетија, ќе мора да платат

ЕВРОПА РАЗМИСЛУВА ЗА ОГРАНИЧУВАЊЕ НА ЦЕНИТЕ НА ГАСОТ: Доцна се сетија, ќе мора да платат

КОИ СЕ ОСНОВНИТЕ ПРОДУКТИ ЗА ЧЕТИРИЧЛЕНО СЕМЕЈСТВО?! Синдикатите бараат раст на платите, работодавците промена на минималната кошницата

КОИ СЕ ОСНОВНИТЕ ПРОДУКТИ ЗА ЧЕТИРИЧЛЕНО СЕМЕЈСТВО?! Синдикатите бараат раст на платите, работодавците промена на минималната кошницата

IFC со поддршка за енергетски проекти во Македонија – средба на министерката Божиновска со меѓународната финансиска корпорација

IFC со поддршка за енергетски проекти во Македонија – средба на министерката Божиновска со меѓународната финансиска корпорација

МОСКВА ТАЈМС: Русите од 2023 продале 70 отсто од резервите на злато

МОСКВА ТАЈМС: Русите од 2023 продале 70 отсто од резервите на злато

СЕ ЗГОЛЕМИЛЕ ТРОШОЦИТЕ ЗА ЖИВОТ: Kaде има најголемо поскапување?

СЕ ЗГОЛЕМИЛЕ ТРОШОЦИТЕ ЗА ЖИВОТ: Kaде има најголемо поскапување?

ОДЛУКА ЌЕ ИМА ВО ПОНЕДЕЛНИК: Трговците предлагаат поевтинување на 100 производи

ОДЛУКА ЌЕ ИМА ВО ПОНЕДЕЛНИК: Трговците предлагаат поевтинување на 100 производи

ЗАВРШИ СРЕДБАТА МЕЃУ ТРГОВЦИТЕ И МИНИСТЕРСТВО ЗА ЕКОНОМИЈА: Детали никој не споделува од средбата, најавуваат за подоцна

ЗАВРШИ СРЕДБАТА МЕЃУ ТРГОВЦИТЕ И МИНИСТЕРСТВО ЗА ЕКОНОМИЈА: Детали никој не споделува од средбата, најавуваат за подоцна

Известувањата на Фактор во случајот Телеком се засновани на информации кои се дел од јавна постапка

Известувањата на Фактор во случајот Телеком се засновани на информации кои се дел од јавна постапка

ПОЗНАТА ПРОСЕЧНАТА ПЛАТА ВО ГЕРМАНИЈА ЗА 2025 ГОДИНА: Најмногу се заработува во овие сојузни држави и професии

ПОЗНАТА ПРОСЕЧНАТА ПЛАТА ВО ГЕРМАНИЈА ЗА 2025 ГОДИНА: Најмногу се заработува во овие сојузни држави и професии