25 Јули, 2024
0.0294

УШТЕ ПОЦРНИ ЕКОНОМСКИ ПРОГНОЗИ: Домашната економија годинава ќе се струполи за 4,9 проценти, закрепнување дури во 2022 година

Објавено во: Економија 07 Декември, 2020

Добивај вести на Viber

Домашната економија годинава ќе падне за 4,9 отсто. Ова е најновата ревидирана проекција на Народна банка на Македонија, откако таа во април очекуваше домашната економска активност да има негативна стапка на економски раст од 3,5 отсто, бидејќи тогаш се очекуваше пократкорочен карактер на здравствената криза предизвикана од ковид 19. 

Главна причина за ова, како што соопшти гувернерката Анита Бежоска Ангеловска, е што закрепнувањето кое се очекуваше во втората половина на годинава не се случи, поради вториот бран на пандемијата со корона вирусот.

„За разлика од априлските проекции, најновиот циклус на макроекономски проекции претпоставува подолготрајни и продолжени ефекти од пандемијата на ковид 19 и врз глобалната и врз домашната економија. Согласно со тековните оцени, последиците од кризата ќе се чувствуваат и во 2021 година, додека целосно закрепнување и надоместување на економските загуби се очекува во текот на 2022 година. Макроекономското сценарио и ризиците околу него во најголема мерка се условени од развојот на здравствената криза во глобални рамки, односно од справувањето со пандемијата и нејзините последици врз однесувањето и очекувањата на економските субјекти. Засега, имајќи предвид дека ковид-шокот е од неекономска природа, не се очекува тој да има позначителни ефекти врз долгорочниот потенцијал за економски раст“, објасни Бежоска.
Според неа, најновите проекции упатуваат на пад на економската активност од 4,9 отсто годинава, и постепено закрепнување со интензитет од 3,9 отсто и 3,6 проценти во следните две години. 

„Со ова, направена е надолна ревизија на проекциите на растот во однос на април, што претставува последица на подолготрајноста на пандемијата и нејзиното влијание врз сите пунктови на економијата. Закрепнувањето на економската активност во 2021-2022 година се очекува да биде поддржано и од домашната побарувачка, во услови на стабилизирање на пазарот на труд, континуитет на кредитните текови, зголемување на довербата, како и натамошна фискална поддршка на потрошувачката, а особено на инвестициите. Воедно, импулс врз растот се очекува и од извозниот сегмент, којшто релативно брзо закрепнува, поддржан од брзото реактивирање на глобалните синџири на производство, а во следниот период и од закрепнувањето на странската побарувачка“, нагласи гувернерката.

Ќе паднат сите сегменти на БДП, освен јавната потрошувачка која е неопходна, односно државата мора да троши заради заштита на јавното здравје.

Бруто инвестициите ќе паднат за 13 отсто, бидејќи ќе се намалат и јавните, но и странските директни инвестиции.

Падот на економијата всушност ќе се случува во целиот свет, така што и ММФ го ревидираше падот на глобалната економска активност на 4,4 отсто за годинава.

Само 26 земји во светот ќе имаат годинава минимална стапка на раст.

Тоа значи дека за земјава ќе се намали странската побарувачка за нашите производи, и тоа за дури за 6,3 отсто, што е повисоко дури и од падот во 2008 година.

Најсериозна е состојбата со Германија, каде оди 50 отсто од нашиот извоз.

За 2021 година НБМ очекува раст од 3,9 отсто на домашната економија, што е исто помалку од претхпдните ограничувања.

Адекватноста на девизните резерви ќе бидат во сигурната зона. 

Инфлацијата и понатаму останува ниска и стабилна, иако повисока во однос на априлските оцени. Во просек, во 2020 година се очекува инфлација од 1,1 отсто, што е над априлските оцени од околу 0 проценти. 

„Овие отстапувања во голема мерка се одраз на ефектите врз понудата од синџирите на снабдување заради пандемијата, но и нејзините ефекти врз структурата на побарувачката. За 2021 година и 2022 година, тековните проекции се задржуваат непроменети и укажуваат на просечна инфлација од 1,5 и 2 отсто, во услови на постепено закрепнување на побарувачката и умерен раст на увозните цени. Високата неизвесност во поглед на идната динамика на берзанските цени на примарните производи и понатаму останува главен ризик фактор на проекцијата“, објаснуваат од НБМ.

Кредитната активност на банкарскиот систем и во период на криза продолжува да биде еден од важните фактори за поддршка на економскиот раст

Ризиците околу проекциите и понатаму се оценуваат како изразено надолни и се речиси целосно поврзани со пандемијата на ковид-19. 

„Главниот надолен ризик се поврзува со евентуалното повторно воведување на строги рестриктивни мерки за спречување на ширењето на вирусот, како одговор на веќе актуелниот втор бран на пандемијата, како и евентуалното побавно справување со вирусот од тековните очекувања. Но, од друга страна, побрзиот напредок во третманот на корона-вирусот, како и во развојот на вакцина се фактори на оптимистичката страна. Доколку заканата од корона-вирусот се надмине побрзо од очекуваното, зајакнатата доверба би можела значително да ја поттикне глобалната економска активност“, објасни гувернерката Бежоска.

Н.Н.Ф.

Можеби ќе ве интересира

МЕПСО ГО ДЕМАНТИРА АД ЕСМ: „Далноводот кон РЕК Битола цело време е под напон“

МЕПСО ГО ДЕМАНТИРА АД ЕСМ: „Далноводот кон РЕК Битола цело време е под напон“

РЕК БИТОЛА РАБОТИ САМО СО ЕДЕН БЛОК - испад на далновод го остави без струја БЛОК 1

РЕК БИТОЛА РАБОТИ САМО СО ЕДЕН БЛОК - испад на далновод го остави без струја БЛОК 1

„Со ваквиот однос кон работниците, за многу брзо време работници ќе нема“: Трендафилов за „неработната недела“

„Со ваквиот однос кон работниците, за многу брзо време работници ќе нема“: Трендафилов за „неработната недела“

ТОТАЛЕН КОЛАПС НА УШТЕ ЕДЕН ГЕРМАНСКИ ГИГАН: И нив ги погоди бран отпуштања - дури 10.000 луѓе останаа без работа!

ТОТАЛЕН КОЛАПС НА УШТЕ ЕДЕН ГЕРМАНСКИ ГИГАН: И нив ги погоди бран отпуштања - дури 10.000 луѓе останаа без работа!

Стопанска комора одбележува 102 години од своето постоење

Стопанска комора одбележува 102 години од своето постоење

МАРК ЗАКЕРБЕРГ ИМ ГО УКРАДЕ ФЕЈСБУК - ГО ТУЖЕА ЗА 65 МИЛИОНИ ЕВРА - сега се крипто милионери, еве ги нивните лекции

МАРК ЗАКЕРБЕРГ ИМ ГО УКРАДЕ ФЕЈСБУК - ГО ТУЖЕА ЗА 65 МИЛИОНИ ЕВРА - сега се крипто милионери, еве ги нивните лекции

Кој си лапна 1,5 милиони евра државни субвенции? Има 892 крави, продаде над 7 милиони литри млеко!!!

Кој си лапна 1,5 милиони евра државни субвенции? Има 892 крави, продаде над 7 милиони литри млеко!!!

МАКЕДОНСКИ ЛЕШНИЦИ ВО ПОЗНАТИТЕ FERERO: Еве која компанија го збогатува вкусот на светскиот бренд

МАКЕДОНСКИ ЛЕШНИЦИ ВО ПОЗНАТИТЕ FERERO: Еве која компанија го збогатува вкусот на светскиот бренд

Кина поставува зелени цели за центрите за податоци

Кина поставува зелени цели за центрите за податоци