Отворен големиот меѓународен кулинарски настан ГастроМак Македонија 2017
СТРУМИЦА ЈА ЖИВЕЕ МАГИЈАТА НА СВЕТСКИТЕ ГОТВАЧИ
Објавено во: Мои пари 25 Октомври, 2017
Струмица ги живее деновите на светското кулинарство!
Денес е првиот натпреварувачки ден од Интернационалниот Гастрономски Натпревар – ГастроМак Македонија 2017, кој што започна со одмерување на готвачките магии на врвните шефови на кујни од триесетина држави од светот во неколку категории.
Пријавенот број на натпреварувачи ги надмина сите очекувања на организаторот, Асоцијацијата на готвачи на Македонија, ГастроМак, со логистичка поддршка на WACS, Светската Светската организација на шефови на кујни.
Централната сала во струмичкиот хотел Вила Парк од рано утрината врви од натпреварувачи и судии од Монголија и Русија, до Израел и Кипар. Денес, на натпреварувачката програма, која што ќе трае до еден час по полноќ, се приготвувањата на топли и студени јадења, изложбата на торти, како и карвинг – уметноста на “резбарење” на фигури од овошје и зеленчук. Во исто време, во едукативниот дел, десетина експерти со Master Chef титулата одржуваат Мастер класови на разни теми.
“Ова е навистина извонредно! Многу судии и натпреварувачи од многу земји од светот, врва организација и одлично подготвени јадења. Воодушевен сум од Македонија и Струмица, гостопримство какво што може само да се замисли, но и прекрасна храна. Од сè срце можам да кажам дека Македонија ја заслужи оваа Манифестација”, изјави Џорџио Дијана, Master Chef и амабасадор на WACS.
Натпреварувањата ќе се продолжат и во следните два дена, а главните награди и големото Град При за најдобрите ќе бидат доделени на свечената церемонија на 27 октомври, вечерта.
Манифестацијата е од отворен карактер и заинтересираните можат да ја посетат во било кој дел од денот.
Можеби ќе ве интересира
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
