Студот ја зема првата жртва на Балканот

Добивај вести на Viber

Температурите на Балканот сеуште под нулата. Студениот Артички бран кој владее на овие простори, ја однесе и првата жртва во Србија.

75-годишен маж од општината Дољевац, чие семејство го пријави како исчезнат во понеделникот, е пронајден мртов. Старецот, кој страдал од сенилна деменција, е пронајден на локален пат во атарот на неговоот село, а според првите наоди, починал од измрзнување.

Хидрометеоролошкиот институт на Србија за денеска прогласи жолт метеоаларм во Бачка, Банат, Срем, Белград и делови од Источна, Југоисточна и Југозападна Србија.

Од таму најавувуваат  дека утре ќе биде објавен црвен метеоаларм, бидејќи се прогнозира дека ќе биде екстремно студено,  а температурата ќе  падне  до -20 степени.

Снегот и студеното време предизвикуваат проблеми во сообраќајот и во Хрватска пред се, во реоните на Лика, Горски Котар и во делови на Славонија и Далмација. Поради наносите на снег и натаму е забранет сообраќајот за камиони со приколки на дел од автопатот Ријека – Загреб.

Во Сплит денеска е измерена најниската температури во овој период од годината во последните 70 години, а во Загреб – во последниве 120 години.

Во Хрватска денеска најниска температура од минус 17 степени е измерена на Биоково и на Сљеме, а во Гослиќ од минус 15 степени. Во Загреб утрово беше минус осум степени, а во Сплит минус четири.