СУДОТ ДОНЕСЕ ОДЛУКА: Момчето кое ја прегази Фросина доби 30 дена притвор

Објавено во: Македонија 30 Јануари, 2025
Судија на претходна постапка вечерва му одреди 30-дневен притвор на момчето, кое синоќа на пешачки премин, на црвено светло и во алкохолизирана состојба со возилото на својот татко, ја прегази 22-годишната Фросина Кулакова на булеварот „Партизански одреди“.
Автомобилот го управувал без возачка дозвола со 0,82 промили присуство на алкохол во урина, а кога дошол пред обележан пешачки премин на крстосницата со ул.„29-ти Ноември“, не ја приспособил брзината на движење на возилото спрема својствата и состојбата на патот и сообраќајот и другите сообраќајни услови за да може навремено да го запре возилото пред секоја пречка.
„Пред пешачкиот премин регулиран со семафори кои за време на незгодата работеле исправно, продолжил со движење на вклучено црвено светло на семафорот и со предниот лев дел од возилото удрил во телото на пешакот-жртва Фросина Кулакова, која на обележан пешачки премин попречно ја преминувала коловозната лента. Од ударот оштетената се здобила со тешки телесни повреди од кои на лице место починала“, соопшти обвинителството.
Ова не му е прво кривично дело на 20-годишникот. Минатата година, полицијата го фатила со 80 опаковки амфетамин. На предлог на обвинителството, му била изречена мерка притвор. Тој бил во притвор во истражниот затвор во Шутка 3 месеци, а обвинението било за две кривични дела, за неовластено производство и пуштање во промет наркотични дроги, психотропни супстанции и прекурсори.
Но, Основниот кривичен суд Скопје носи пресуда со која на обвинетиот му изрекува заводска мерка упатување во воспитно -поправен дом Тетово, третирајќи го сторителот како помлад полнолетник (помлад од 21 година).
„Во текот на целата постапка, токму по предлог на јавниот обвинител лицето беше во притвор, а при изрекување на пресудата Судот ја укина притворската мерка за обезбедување. Незадоволен од пресудата, имајќи го притоа предвид и претходното поведение на сторителот, јавниот обвинител вложи жалба и предметот е во жалбена постапка“, соопшти обвинителството.
Апелацискиот суд и пет месеци по првостепената пресуда, се нема произјаснето по случајот.
Можеби ќе ве интересира
ФАКТОР НА ДЕНОТ: Во ОН не помина американската резолуција за Украина коспонзорирана од Македонија

ГЛАСАЊЕ ВО ОН: Не помина резолуцијата за Украина на САД во коспонзорство на Македонија

МНР ТВРДИ ДЕКА НЕМА ПРОМЕНА НА ПОЗИЦИИТЕ: Дадоа објаснување за резолуцијата за Украина

ДАЛЕ ПАРИ НА РОДИЛКА И ГО ЗЕМАЛЕ ДЕТЕТО: Oткако не сакале да го вратат, полицијата ги уапси

МАКЕДОНИЈА Е КОСПОНЗОР НА РЕЗОЛУЦИЈАТА НА САД ЗА УКРАИНА: Mицкоски вели дека така одлучиле
ПОЛИЦИЈАТА СО АПЕЛ: „Финансиски советници“ ветуваат тргување со криптовалути и ги измамуваат граѓаните

МИЦКОСКИ: Со контактите коишто ги имаме со најблискиот периметар на претседателот Трамп можеме само да добиеме

НАД 14 МИЛИОНИ ЕВРА ЌЕ СЕ ИНВЕСТИРААТ ВО РЕКОНСТРУКЦИЈА НА ГОБ 8 СЕПТЕМВРИ И ОХРИДСКИОТ АЕРОДРОМ - болницата треба да биде завршена до октомври
