Светозар Јаневски не ги крие личните приходи како другите бизнисмени
Објавено во: Економија 30 Јули, 2018
Светозар Јаневски, претседателот на Управниот одбор на ВВ „Тиквеш“ , не ги крие своите лични приходи како повеќето бизнисмени во Македонија.
Еден од најуспешните македонски менаџери објави дека во 2017-та стекнал 87.750 евра по основ на плата, надоместоци од плата, надоместоци за членство, бонус, осигурувања и други права.
Ретко кој од успешните македонски бизнисмени ги објавува податоците за своите годишни примања. Иако Законот за трговски друштва предвидува примањата на менаџментот да бидат јавни. Особено вешти се банкарите кои избегнуваат да ги објавуваат своите примања (со чест на еден исклучок) и ја користат формулацијата „примања и награди на раководниот кадар“.