Светската премиера на новиот знаменосец на Шкода во Прага
Објавено во: Мои пари 20 Февруари, 2015
Спектакуларна светска премиера на најдобрата лимузина од Шкода во „Форум Карлин“ во Прага, Шкода Superb се појави под рефлекторите за прв пат и целосно го привлече вниманието на присутните. Новиот Шкода Superb го има новиот револуционерен Шкода дизајн. Галантни димензии, иновативни системи за помош ибезбедносни системи, намалена емисија на штетни гасови и поголема удобност, нови моќни мотори со EU6 стандард. Шкода Superb ги поседува типичните „Едноставно паметни" карактеристики кои го поместуваат знаменосецот на брендот во повисока автомобилска класа. Накратко: новиот Шкода Superb е најдобриот Superb кој досега бил произведен. Извршниот директор на Шкода д-р Винфрид Валанд за време на претставувањето на новиот модел изјави: „Овој автомобил го означува почетокот на една нова ера за Шкода . Во последниве години, ние целосно ја обновивме и ја проширивме нашата гама. Новиот Шкода Superb ги покажува нашите аспирации за високата автомобилска класа. Во однос на креативноста и технологијата, достигнавме ново ниво, и воспоставивме нова позиција на Шкода , која го покажува патот по кој брендот ќе се движи во иднина. Овој фантастичен автомобил ќе привлече многу нови клиенти кон брендот Шкода ”.
Светската премиера на Шкода Superb се одржа во „Форум Карлин“ во Прага, пред 800 високи гости од политиката, бизнисот и популарни лица од целиот свет. Новиот Шкода Superb беше ѕвездата на вечерта. Неговиот прв настап беше проследен со светската премиера на симфонијата „Superb" која ја изведе чешката филхармонија. Потоа настапи легендата на сол музиката Chaka Khan и пејачка Аура Диона.
Шкода ја продолжува успешната приказна со третата генерација на Superb. До денес, од првата и втората генерација Superb беа испорачани вкупно 700 000 автомобили кон клиентите.