Тамара слета во Тел Авив: Колку е безбеден Израел за Евровизија по заканите за терористички напад

Добивај вести на Viber

Тамара Тодевска слета во Тел Авив. Таа на социјалните мрежи објави фотографии од авионот со кој летала кон Израел а пред два часа пејачката која ќе ја претставува Северна Македонија на овогодинешната Евровизија сподели и фотографија од аеродромот.

И додека Тел Авив е под закана од терористички напади Тамара вели дека не се плаши и дека се чувствува безбедна.

„Додека бев да ја снимам евровизиската разгледница минатиот месец во Израел, имаше еден човек кој цело време беше на метар од мене, обезбедување. По некое време му реков дека не мора да ме следи до толку, го прашав- што правите вие тука? Тој ми рече: Ова ми е работа. Така што, не може ништо лошо да ни се случи“, додаде таа.

Имено, „Исмалски џихад“ е палестинското движење кое во последните неколку денови се заканува со спречување на одржувањето на Евросонг 2019 со изведување на терористички напади.

Дел од медиумите вчера соопштија за повредени четворица Израелци на околу 50 км јужно од Тел Авив, во ракетен напад пренесе и Русија денес. Со ракета е погодена фабриката во Ашкелон.

Тамара на прес конференцијата пред заминувањето во Тел Авин кажа дека едвај чека да дојде вторник за да може „горда“ да настапи и да ја претстави Македонија.