ТАТКОТО НА ЕДЕН ОД УБИЈЦИТЕ НА ДАНКА: Дејан не беше збунет, цело ова време беше нормален

Добивај вести на Viber

Србија е во шок откако се откри дека двајца мажи вработени во комуналното претпријатије во Бор со возило го удриле девојчето Данка Илиќ, а потоа ја фрлиле на депонија. Луѓето кои ги познаваат убијците исто се затечени. 

Радослав Драгиевиќ, таткото на Дејан Драгиевиќ, кој е осомничен за убиството на Данка Илиќ (2), во изјава за „Телеграф.рс“ по апсењето на син му за убиство на девојчето, открива дека тој не се однесувал чудно.

„Дејан не беше збунет, цело ова време беше нормален“, изјави Радослав.

Раскажува дека тој и син му живеат во иста куќа, но дека не поминуваат многу време заедно.

„Наутро излегува од дома, навечер доаѓа. Не знам ништо повеќе за ова додека не го видам“, изјави Радослав.

Таткото на осомничениот Дејан вели дека лично не го познава Срѓан Јовановиќ, второто лице вмешано во убиството.

„Знам дека се познаваат од работа, јас не го познавам“, рекол таткото на Драгиевиќ.

Данка Илиќ, девојчето кое имаше две години, исчезна на 26 март околу 13.45 часот, а сомнежите одат во насока дека по неколку минути, Драган и Срѓан ја удриле со службеното возило „фиат панда“ и дека потоа ја ставиле во багажникот и го фрлиле нејзиното тело.

Последниве денови се појави снимка од две жени во Виена, со дете кое личи на Данка и тоа ги подгреа сомнежите дека детето можеби е украдено, но потоа мајката на ова девојче кажа дека веќе била во полиција и дека девојчето на видеото е нејзината ќерка. Убијците биле во алкохолизирана состојба кога го убиле девојчето.