Теодоракис: Клучна недела дали ќе има конечно решение за името или не
Објавено во: Балкан 03 Април, 2018
Ставрос Теодоракис, како лидер на опозициската партија Река, меѓу првите имаше можност да ги слушне сите новости од страна на грчкиот министер за надворешни работи Коѕијас поврзани со последната рунда на разговори која се одржа во Виена за процесот на решавање на спорот за името под медијација на Нимиц. Според Теодоракис за една недела ќе се знае дали ќе има решение или не на овој децениски спор.
– Коѕиас ме информираше детално, а се надевам и искрено. Си ги кажавме нашите познати ставови. Мислам дека следната недела ќе биде клучна дали прашањето за името ќе се реши или нема да се реши – изјави кусо по средбата Теодоракис.
Денес Коѕиас треба да има уште две средби со лидерката на ПАСОК и на Движењето за промени, Фофи Јенимата и со претседателот на Унијата на центристите, Василис Левендис, додека лидерот на конзервативната Нова Демократија, Кирјакос Мицитакис, одби да се сретне со него и бара за текот на преговорите да биде информиран лично од премиерот Алексис Ципрас.